Оғоз гардидани мавсими кишту кори баҳорӣ, ниҳолшинониву кабудизоркунӣ деҳқонону кишоварзони шаҳри Конибодомро низ сертараддуд намудааст.

Аҳли кишоварзон ва боғпарварони ҷамоати деҳоти Лоҳутӣ дар мавсими имсолаи ниҳолшинониву ободонӣ бо дастгирии Раиси шаҳр дар назди ҷамоат хоҷагии  нав ташкил намуда, дар 7 гектар замин ҷиҳати бунёди боғи ангурзор асос гузоштанд. Кишоварзони ҷамоати деҳот дар ҳамкорӣ бо деҳқонони соҳибтаҷрибаи ноҳияи Турсунзода беҳтарин намуди токро дар ин мавзеъ шинониданд, ки аз 5 навъи ангурҳои хушсифат ва ба талаботи бозори ҷаҳонӣ ҷавобгӯ иборат аст. Боғпврварон ният доранд аз ин замини навбунёди боғот ангурҳои фаровону хушсифат рӯёнида, содироти ин меваи шаҳдкомро дар шаҳри Конибодом ба роҳ монанд.

Ҳоло дар ҳудуди ҷамоати деҳоти Лоҳутӣ дар замини 25-гектар боғоти нав ташкил гардида, имсол, ки тибқи дастури Раиси вилояти Суғд соли фарҳанг ва гулҳо эълон гардидааст, дар ҳудуди 25-гектар зиёда аз 1000 бех гулу ниҳолҳои ороишӣ шинонида шуд.