Бо  дастгирии  мақомоти  иҷроияи  ҳокимияти  давлатии  шаҳр  яке  аз  кӯчаҳои навбунёди  шаҳрамон  ба  номи   иштирокчии  Ҷанги  Бузурги  Ватанӣ, Агрономи  хизматнишондодаи  Тоҷикистон  Бобоҷон  Ҳомидов  ногузорӣ  гардида,  ба  ин  муносибат  ҷамъомади   тантанавӣ  дар  маҳалла  доир  шуд.  Дар он собиқадорони ҷангу меҳнат, сокинони маҳалла ва фарзандону пайвандони Б.Ҳомидов иштирок доштанд. 

 Бобоҷон Ҳомидов аз оғози ҷанг то анҷоми он дар майдони набард   баҳри дифои ватан ҷангида, пас аз баргаштан аз ҷанг низ дар соҳаи заҳматписанди кишоварзӣ фаъолият кардааст ва кору амали некашро давлату ҳукумат бо Нишони Агрономи Хизматнишондодаи Точикистон кадршиносӣ намудааст.  Ҳамзамон дар вазифаҳои пуршарафи рохбарӣ, аз ҷумла ҳамчун Раиси шӯрои собиқадорони ҷангу меҳнати шаҳр кор кардааст.

Дар ҷамъомад Роҳбари дастгоҳи Раиси шаҳр А.Ализода, Раиси шурои собиқадорони ҷангу меҳнати шаҳр К. Ҳасанов, дӯстону пайравон ва духтараш, омузгор Шаҳриҷон Хомидова суханронӣ намуда, аз кору зиндагии ибратбахши шодравон Б.Ҳомидов бо некӣ ёд карданд.

Дар вазъияти тантанавӣ парда аз руйи лавҳаи ёдгорӣ бардошта шуда, кӯча ба номи   иштирокчии Ҷанги Бузурги Ватанӣ Бобоҷон Ҳомидов гузошта шуд, ки тӯҳфаи арзандаест ба сокинони маҳалла дар арафаи ҷашни бузурги 70 солагии   Иди Ғалаба.