Бахшида ба 70 солагии Иди Ғалаба дар коллеҷи технологии шаҳр маҳфили рангини фарҳангӣ аз ҷониби донишҷӯён баргузор гардида, дар он сурудҳои солҳои ҷангӣ, баромадҳои ҷолиби ҳунарӣ нишон дода шуд. Донишҷӯён оид ба шаҳрҳои қаҳрамон, ҷасорату мардонагии иштирокчиени ҷанг ҳарф заданд.

Дар чорабинӣ иштирокчии ҶБВ мансур Қосимов иштирок ва суханронӣ намуда, ба ҷавонон аз рӯзҳои ҷанг ва набардҳои майдони набард ёдовар гардид. Раиси шӯрои собиқадорони ҷангу меҳнати шаҳр К.Ҳасанов дар суханронии худ  ҷавононро ба хизмати содиқонаи халқу ватан, расидан ба қадри сулҳу ободии Тоҷикистони маҳбуб ҳидоят намуд.

Донишҷӯёни коллеҷ дар мусобиқаи ҷумҳуриявӣ бахшида ба 70 солагии Иди Ғалаба дар байни муассисаҳои таҳсилоти ибтидоӣ ва миёнаи касбии мамлакат иштирок карда, аз руйи шашка ва шоҳмот сазовори ҷойи 3-юм ва дастаи духтарони коллеҷ дар бозии воллейбол сазовори ҷойи 2 юм гардиданд. Дар анҷоми чорабинӣ ба ғолибони ин мусобиқа Ҷом ва Ифтихорномаҳо супорида шуд.