30 апрел дар маркази шаҳрамон ярмаркаи ҷойҳои холии корӣ гузаронида шуда, ба шаҳрвандони бекор ҷойҳои гуногуни корӣ пешниҳод карда шуд.  Зимни ярмарка аз 12 корхонаву ташкилоти шаҳр 73 номгӯи кору вазифаҳои   мухталиф пешниҳод гардида, 259 нафар корҷӯяндагон бевосита бо талабот ва шароитҳои корӣ шинос гардиданд.  Тавассути чунин сӯҳбату шиносоӣ 12 нафар шаҳрвандони бекор бо кор таъмин гардида, 20 нафар ҷавонон ва хоҳишмандон ба курсҳои касбомузии маркази таълими калонсолони шаҳр ҷалб карда шуданд.

Хамчунин аз ҷониби бахши муҳоҷирати мақомоти иҷроияи ҳокимияти давлатии шаҳр 70 нафар шаҳрвандон барои кор дар Федератсияи Руссия ва Қазоқистон номнавис карда шуданд.

Дар давоми 3 моҳи сипарии соли 2015 маротибаи 5-ум аст, ки ярмаркаҳои ҷойҳои холии корӣ гузаронида шуда, зиёда аз 100 нафар шаҳрвандони бекор бо ҷойҳои корӣ таъмин ва 150 нафар сокинон ба касбомӯзӣ ҷалб карда шуданд.