Ҳар сол 26 апрел Рӯзи садамаи Чернобил ва поси хотираи шахсони дар ин садама ҳалокгардида қаӣд карда мешавад.  Аз он рӯзи мудҳиш – садамаи нерӯгоҳи атомии Чернобил 29 сол сипарӣ гардида бошад ҳам, асорат ва хотираи ҳузновари он, саҳми барқароркунандагони оқибатҳои ин садама  ҳамеша ёд мешавад.

Санаи 26 апрел ба ин муносибат дар шаҳрамон низ бо иштироки барқароркунандагони садамаи Чернобил ҷамъомади идона баргузор гардида, иштирокчиён аз хотираҳои аӣёми ҷавонии худ дар мавзеи садама ёдоварӣ намуданд.

Ҳамзамон як гурӯҳ иштирокчиёни садамаи Чернобил, ки бар асари ин садама ҳоло бемори бистарӣ ҳастанд, аёдат карда шуда, барояшон кӯмакҳои моддӣ расонида шуд. Аз шаҳрамон дар ин садама 90 нафар ҷавонмардон иштирок карда, аз онҳо то имрӯз 13 нафарашон ҳалок гардидаанд, ки аҳли оилаи фавтидагон низ дар ин рӯз дидорбиниву ҳолпурсӣ карда шуданд. Холо  77 нафар  барқароркунандагони  садамаи Чернобил  дар кайди  хаётанд.