Тибқи ҷадвали баргузории чорабиниҳо дар мактаб-интернатҳо бахшида ба ҷашни Наврӯзи ҷаҳонӣ дар мактаб-парастишгоҳи №40 чорабинии умумимуассисавӣ бо иштироки таълимгирандагон ва омӯзгорону кормандони муассиса дар сатҳи баланд гузаронида шуд. Аз тарафи сарпарасти муассиса – ҶСК «Фурудгоҳи байналмилалии шаҳри Хуҷанд» барои дар сатҳи баланд гузаронидани чорабинӣ ба маблағи 2000 сомонӣ дастурхони идона ороста шуда, инчунин аз тарафи Донишкадаи кӯҳӣ-металлургии шаҳри Бӯстон кӯмаки моддӣ ба маблағи 700 сомонӣ расонида шуд.        

Ҳамзамон, аз тарафи мақомоти иҷроияи ҳокимияти давлатии шаҳри Конибодом ба 10 нафар таълимгирандагон аз оилаҳои камбизоати муассисаи таълимии парастишгоҳи №40 сарулибоси мавсимӣ тақдим гардид.

Инчунин, дар чорабинӣ баҳри болидахотирии таълимгирандагон аз тарафи бахши фарҳанги шаҳр санъаткорони гуруҳи «Маҳбуб» барномаҳои консертӣ намоиш доданд.

Дар анҷоми чорабинии идона намояндаи мақомоти иҷроияи ҳокимияти давлатии шаҳр Н.Мамадов ва директори муассисаи №40 Н.Боҳиров ба сарпарастони муассиса барои кӯмакҳои моддии расонидаашон миннатдорӣ баён намуданд.