Наврӯз ҷашни меҳрубониву саховат ва хайру эҳсон аст. Амалӣ намудани ин рукни басо муҳими Наврӯз ба тантанаҳои Наврӯзии шаҳрамон шукӯҳи хоса бахшид. Дар тарабхонаи Тоҷи Канд хатнасури 18-нафар кӯдакони оилаҳои камбизоат бо ташаббуси мақомоти иҷроияи ҳокимияти давлатии шаҳр ва бо кӯмаки соҳибкорон Акмал Шокиров ва Ғуломҷон Акбаров баргузор гардид. Дар ин тантана Раиси шаҳр Ғайбулло Боҳирӣ иштирок ва суханронӣ намуда, писарбачаҳои соҳибҷашн ва падару модарони онҳоро бо ин хурсандӣ табрик гуфта, иқдоми соҳибкоронро амали хайру савоб арзёбӣ намуд ва зикр дошт, ки лаззати шодиҳои Наврӯзӣ дар табассуму шодиҳои тифлакон аст. Сипас ба тӯйписарҳо дучархаҳои кӯдакона тӯҳфа карда шуд.

Падару модарон ва волидон низ арзи сипоси хешро ба ташаббускорон баён намуданд.  Суруду таронаҳои ҳунармандон базмро боз ҳам пурнишот гардониданд.