Дар доираи тантанаҳои Наврӯзӣ дар шаҳрамон якчанд иншоотҳои наврӯзӣ ба фаъолият шурӯъ карда, амалҳои хайру саховатмандона ба иҷро расонида шуданд. Аз ҷониби соҳибкори туркӣ Алиҷони Азизӣ ва дӯзандаи соҳибтаҷриба аз Конибодом Ойдиной Тошпӯлодова ва бо дастгирии маыомоти иҷроияи ҳокимияти давлатии шаҳр корхонаи дӯзандагии «Гулдаст 2015» кушода шуд. Раиси шаҳр Ғайбулло Боҳирӣ зимни иштироки худ дар ифтитоҳи ин корхона бо дӯзандагону соҳибкорон вохӯрда, ҷашни наврӯзро барояшон шодбош гуфт ва аз шароитҳои мавҷудаи корхона изҳори ыаноатмандӣ намуд.

«Гулдаст-2015» шиму костюмҳо ва либосҳои миллию аврупоии занонаро бо матоҳои хушсифати туркӣ ва бо нархҳои нисбатан арзон истеҳсол менамояд. Ҳоло дар корхона 70-нафар занону бонувони хонашин бо кор таъмин гардида, 25-нафар духтарон дар корхона ҳамчун шогирд касби дӯзандагиро омӯхта истодаанд. Дар оянда зиёда аз 150-ҷойҳои корӣ барои занону духтарони хонашин муҳайё хоҳад гашт.