Ҷашни ҷамшедӣ бахусус дар маҳаллаву деҳоти мардуми тоҷик басо саммиву тоҷикона таҷлил мегардад. Дар кумитаи маҳаллаи Шарифҷон Хусейнзодаи шаҳр тантанаи баҳору Наврӯз, ҷашни ҳумоюнии хусравонӣ бо риояи суннатҳои наҷиби тоҷикон баргузор карда шуд.  Занону духтарони маҳалла анъанаи наврузии хонаводаи конибодомиёнро бо тамоми расму русумаш нишон доданд. Сокинони маҳалла дар маҳфили наврузиашон анъанаҳои аҷдодии арӯсбинону гаҳворабандон, бозиҳои наврузии бачагона, оростани дастурхони наврузӣ бо риояи 7-сину 7-шин, маҳсули дӯхтаи ҳунарҳои дастии бонувонро бо маҳорати хоса нишон доданд.