Ҳамасола дар арафаи иду ҷашнҳои бошукӯҳ заҳмату меҳнатҳои собиқадорони меҳнат ва пирони рӯзгордида аз ҷониби Сарвари давлат қадршиносӣ гардида, бо тӯҳфаҳо сарфароз карда мешаванд.

Имрӯз санаи 18 март барои 6 нафар собиқадорони меҳнат тӯҳфаи пулии Президенти мамлакат супорида шуд.

Ҷиҳати тақдими ин тӯҳфаи наврӯзӣ, муовини Раиси ҲХДТ Латифзода Асрор Қурбон ва  Раиси ҲХДТ дар вилояти Суғд Сарфароз Юнусов ба шаҳри Конибодом ташриф оварда, ба ҳар яки собиқадорон табрикот ва паёми наврӯзии роҳбари кишварро расонидаанд.

Собиқадорон аз ин таваҷҷӯҳ ва қадршиносии сарвари давлат хушнуду рӯҳбаланд гардида, арзи миннатдории худро иброз доштанд ва баҳри ободиву пешрафти Ватан дасти дуо бардоштанд.

2 нафар собиқадорони меҳнат дар хонаҳояшон аёдату дидорбинӣ гардида, ин тӯҳфаи Президенти мамлакат бурда расонида шуд.