Санаи 24 март – Рӯзи умумиҷаҳонии мубориза муқобили бемории сил қайд карда мешавад. Бахшида ба ин рӯз имрӯз, 17. 03. 2015 озмуни расмкашӣ дар рӯи асфалт дар байни хонандагону наврасон гузаронида шуд. Дар озмун аз ҳамаи муассисаҳои таълимӣ хонандагони синфҳои аз 6-ум то 11-ум иштирок карда, дар мавзӯи тарзи пешгирии бемории сил, риояи гигиенаи шахсӣ, роҳҳои сироятшавӣ ба ин беморӣ ва ғайраҳо расмҳо кашиданд.

Бо беҳтарин расмҳои кашидаи худ Набиева Н. аз мактаби рақами 48 ҷойи якум, Раҳимов О.  аз мактаби № 24 ҷойи дуюм ва Тӯхтаев М. хонандаи дабистони рақами 45 – ҷойи сеюмро ишғол карданд.

Ба ғолибон ва иштирокчиёни фаъол тӯҳфаю ифтихорномаҳо супорида шуд.

Дар соли 2014 дар шаҳрамон 298 нафар гирифторони бемории сил ба қайд гирифта шудаанд, ки аз онҳо 32 нафар кӯдакон ва 5 нафарашон наврасон мебошанд.

Дар соли 2015 бошад, 22 нафар беморони сил ба қайди мубориза алайҳи бемории сил гирифта шудаанд, ки 1 нафар то сини 14 сола, 4 нафар беморони шакли мутобиқгаштаи сил мебошанд.