Дар партави сиёсати оқилонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати таъмини амнияти озуқавории кишвар ва иҷрои дастуру супоришҳои Раиси вилояти Суғд Раҷаб Аҳмадзода, тибқи нақшаи Мақомоти иҷроияи ҳокимияти давлатии вилояти Суғд гурӯҳи корӣ таҳти роҳбарии муовини Раиси вилояти Суғд оид ба соҳаи кишоварзӣ Қосимӣ Файзулло ба шаҳри Конибодом ташриф овард.

Зимни боздиди корӣ гурӯҳи мазкур якҷо бо Раиси шаҳри Конибодом Даврон Зоҳидзода аз рафти корҳои саҳроӣ, нашъунамои пахта, кишти такрорӣ, таъминот бо оби полезӣ, ба гардиши кишоварзӣ ворид намудани заминҳои аз кишт берунмонда ва дурустии ҳисоботҳои оморӣ дидан намуда, вазъи корҳои мавҷударо мавриди омӯзиш ва таҳлил қарор дод.

Баъдан дар толори мақомоти иҷроияи ҳокимияти давлатии шаҳри Конибодом бо иштироки роҳбарони сохторҳои дахлдор, раисони ҷамоатҳои деҳот, роҳбарони хоҷагиҳои деҳқонӣ ва дигар шахсони масъул ҷаласаи корӣ баргузор гардид.

Дар рафти ҷаласа фаъолияти масъулон вобаста ба иҷрои корҳои саҳроӣ мавриди пурсиш қарор гирифта, оид ба суръат бахшидани ҷамъоварии маълумоти оморӣ, истифодаи самараноки ҳар як ваҷаб замин, рушди кишти такрорӣ, беҳтар намудани таъминоти оби полезӣ ва ба гардиши кишоварзӣ ворид намудани заминҳои аз кишт берунмонда дастуру супоришҳои мушаххас дода шуданд. Таъкид гардид, ки иҷрои босифати ин вазифаҳо барои таъмини амнияти озуқавории мамлакат ва рушди соҳаи кишоварзӣ аҳамияти муҳим дорад.