Бо мақсади иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва тибқи нақша-чорабиниҳои мақомоти иҷроияи ҳокимияти давлатии шаҳри Конибодом, санаи 23 июли соли 2026 дар деҳаи Нурафшони Ҷамоати деҳоти Патар мулоқоти навбатӣ бо занону бонувон бо усули «Хона ба хона» ва «Маҳалла ба маҳалла» баргузор гардид.

Зимни суҳбату вохӯриҳо бо сокинон масъалаҳои муҳими иҷтимоӣ, аз ҷумла шиносоӣ бо вазъи зиндагии оилаҳо, таҳкими арзишҳои миллӣ, эҳтиром ва тарғиби либоси миллӣ, риояи анъанаҳои неки мардумӣ, пешгирии ҷудошавии оилаҳои ҷавон, баланд бардоштани маърифати ҳуқуқию шаҳрвандӣ, тарғиби тарзи ҳаёти солим, пешгирии бемориҳои сироятӣ ва ғайрисироятӣ, инчунин муқовимат ба терроризм ва экстремизм мавриди баррасӣ қарор гирифтанд.

Дар рафти мулоқот ба занону бонувон тавсияҳои муфид дода шуда, таъкид гардид, ки нақши зан дар таҳкими оила, тарбияи насли наврас, ҳифзи арзишҳои миллӣ ва таъмини суботу оромии ҷомеа хеле муҳим мебошад.

Иштирокчиён чунин мулоқотҳоро омили муҳими робитаи мустақими мақомоти давлатӣ бо мардум арзёбӣ намуда, барои ҳалли масъалаҳои мавҷуда ва ободии маҳал изҳори омодагӣ намуданд.