Бо мақсади иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва тибқи нақша - чорабиниҳои мақомоти иҷроияи ҳокимияти давлатии шаҳри Конибодом, санаи 22 июли соли 2026 дар деҳаи Ҳисораки ҷамоати деҳоти Фирӯзоба мулоқоти навбатӣ бо усули «Хона ба хона» ва «Маҳалла ба маҳалла» баргузор гардид.

Зимни мулоқот бо сокинон масъалаҳои муҳими рӯз, аз ҷумла шиносоӣ бо вазъи зиндагии аҳолӣ, тарғиби анъанаҳои миллӣ, омода намудани хӯрокҳои миллӣ, риоя ва тарғиби либоси миллӣ, пешгирии ҷудошавии оилаҳои ҷавон, муқовимат ба терроризм ва экстремизм, тарғиби тарзи ҳаёти солим, пешгирии бемориҳои сироятӣ ва ғайрисироятӣ, инчунин баланд бардоштани маърифати ҳуқуқию шаҳрвандии сокинон мавриди баррасӣ қарор гирифтанд.

Дар ҷараёни вохӯрӣ ба сокинон тавсияҳои муфид дода шуда, таъкид гардид, ки ҳифзи арзишҳои миллӣ, таҳкими оила, тарбияи дурусти насли наврас ва саҳмгузорӣ дар таъмини сулҳу суботи ҷомеа вазифаи муқаддаси ҳар як шаҳрванди Тоҷикистон мебошад.