Дар Муассисаи давлатии таълимии Литсейи касбии агросаноатии шаҳри Конибодом бахшида ба қабули Қатъномаи Маҷмаи Умумии Созмони Милали Муттаҳид оид ба ташаббуси нави Ҷумҳурии Тоҷикистон таҳти унвони «Даҳсолаи байналмилалии таҳкими сулҳ ба хотири наслҳои оянда (солҳои 2027–2036)» ҳамоиш баргузор гардид.

Дар ҳамоиш ҳайати омӯзгорону кормандони литсей иштирок намуда, оид ба аҳамияти байналмилалии ин ташаббуси Ҷумҳурии Тоҷикистон, нақши созандаи сиёсати хориҷии давлат ва саҳми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар таҳкими сулҳу суботи ҷаҳонӣ ибрози назар карданд.

Зикр гардид, ки қабули ин қатънома аз ҷониби Маҷмаи Умумии Созмони Милали Муттаҳид далели эътирофи ҷомеаи ҷаҳонӣ аз сиёсати сулҳҷӯёна ва ташаббусҳои созандаи Ҷумҳурии Тоҷикистон буда, ҳар як шаҳрванди кишварро водор месозад, ки дар таҳкими сулҳ, ваҳдат ва тарбияи насли оянда дар рӯҳияи ватандӯстиву инсонпарварӣ саҳми арзандаи худро гузорад.