Тибқи нақшаи тасдиқгардидаи мақомоти иҷроияи ҳокимияти давлатии шаҳри Конибодом ҷиҳати баргузории мулоқоту вохӯриҳо бо усули «деҳа ба деҳа» ва «маҳалла ба маҳалла», дар маҳаллаи ба номи Комил Ёрматов мулоқоти навбатии гурӯҳи корӣ баргузор гардид.

Дар мулоқот мудири бахши бойгонии мақомоти иҷроияи ҳокимияти давлатии шаҳр Маҳмудов Баҳодур ва муовини раиси Кумитаи иҷроияи Ҳизби Халқии Демократии Тоҷикистон дар шаҳри Конибодом Ҳоҷиев Фарҳод иштирок намуда, вобаста ба масъалаҳои муҳими рӯз суханронӣ карданд.

Зимни вохӯрӣ масъалаҳои сазовор истиқбол намудани ҷашни таърихии 35-солагии Истиқлоли давлатии Ҷумҳурии Тоҷикистон, шукргузорӣ аз фазои сулҳу субот ва дастовардҳои даврони соҳибистиқлолӣ, вусъат бахшидани корҳои ободониву созандагӣ, баланд бардоштани маърифати ҳуқуқии шаҳрвандон, таҳкими оила, пешгирии ҷудошавии оилаҳои ҷавон, тарбияи насли наврас дар рӯҳияи ватандӯстӣ ва ҷалби ҷавонон ба хизмати ҳарбӣ мавриди баррасӣ қарор гирифтанд.

Таъкид гардид, ки ҳар як сокини шаҳр бояд дар ободиву пешрафти маҳалли зист ва истиқболи арзандаи ҷашни бузурги миллӣ саҳми муносиб гузошта, барои ҳифзи дастовардҳои даврони соҳибистиқлолӣ ва таҳкими ваҳдати миллӣ кӯшиш намояд.

Дар фарҷоми мулоқот сокинони маҳаллаи ба номи Комил Ёрматов барои баргузории чунин вохӯриҳои судманд ва расонидани маълумоти муфид ба намояндагони гурӯҳи корӣ изҳори миннатдорӣ намуда, омодагии худро барои саҳмгузорӣ дар корҳои ободониву созандагӣ баён доштанд.