Мулоқоти навбатии муштараки сохторҳои дахлдори шаҳри Конибодом аз руйи усули “деҳа ба деҳа ва маҳалла ба маҳалла” дар маҳаллаи Наврӯз доир гардид.

Дар мулоқот мудири бахши бойгонии МИҲД Маҳмудов Б. ва муовини Раиси КИ ҲХДТ дар шаҳри Конибодом Ҳоҷиев Ф. иштирок ва баромад намуданд.

Зимни мулоқот баромадкунандагон дар баромади хеш доир ба масъалаҳои сазовор истиқбол намудани ҷашни таърихии 35 - солагии Истиқлоли давлатӣ ва ба ин муносибат вусъат додани корҳои ободониву созандагӣ, тозаву озода намудани деҳаву маҳалл, баланд бардоштани ҳисси худшиносиву худогоҳии миллӣ, тарбияи насли ҷавон дар руҳияи ватандӯстию ватанпарварӣ, ба камол расонидани насли бофарҳангу донишманд ва даъвати ҷавонон ба хизмати ҳарбӣ баромадҳо намуданд.

Инчунин, сокинони маҳаллаи мазкур низ бо баъзе аз муаммоҳо ва масъалаҳои ҳалталаб ба гуруҳи корӣ муроҷиат намуданд.