Мулоқти навбатии муштараки сохторҳои дахлдори шаҳри Конибодом аз руйи усули “деҳа ба деҳа ва маҳалла ба маҳалла” дар маҳаллаи ба номи Неъмат Қарабоев доир гардид.

Дар мулоқоти мазкур мудири бахши бойгонии МИҲД Маҳмудов Б., мудири шуъбаи ташкилии КИ ҲХДТ дар шаҳри Конибодом Ализода А. ва мудири бахши муҳоҷирати Вазорати меҳнат, муҳоҷират ва шуғли аҳолӣ дар шаҳри Конибодом Толибова Ф. иштирок ва баромад намуданд.

Баромадкунандагон доир ба масъалаҳои сазовор истиқбол намудани ҷашни таърихии 35 - солагии Истиқлоли давлатӣ, неъматҳои бузурги Истиқлол аз ҷумла Неругоҳи барқии обии Роғун, вусъати додани корҳои ободониву созандагӣ, пешгирии падидаҳои номатлуби терроризму экстремизм, тарбияи насли наврас дар руҳияи ватандӯстию ватанпарварӣ, ба камол расонидани насли донишманду бофарҳанг, даъвати ҷавонон ба хизмати ҳарбӣ, муҳоҷирати шаҳрвандон, тартиби буду бош дар давлатҳои хориҷа ва имкониятҳои васеи кор дар дигар давлатҳо суханрониҳо намуданд.

Дар зимн, сокинони маҳаллаи мазкур низ миннатдории хешро ба иштирокдорон расонида, якчанд таклифу пешниҳодҳои худро ба гуруҳи корӣ расониданд.