Мулоқотҳо идома доранд

Мулоқоти навбатии усули “деҳа ба деҳа ва маҳалла ба маҳалла” дар маҳаллаи ба номи Ҳоҷӣ Алӣ баргузор гардид.

Дар мулоқоти мазкур мудири шуъбаи рушди иҷтимоӣ ва робита бо ҷомеа Ҷабборӣ Б., муовини Раиси КИ ҲХДТ дар шаҳри Конибодом Ҳоҷиев Ф. ва мудири бахши муҳоҷирати Вазорати меҳнат, муҳоҷират ва шуғли аҳолӣ дар шаҳри Конибодом Толибова Ф. иштирок ва баромад намуданд.

Баромадкунандагон доир ба мавзуъҳои муҳиму мубрами рӯз, аз ҷумла, сазовор истиқбол намудани ҷашни таърихии 35 - солагии Истиқлоли давлатӣ, вусъат додани корҳои ободониву созандагӣ, тозаву озода намудани деҳаву маҳалл, баланд бардоштани ҳисси худшиносиву худогоҳии миллӣ, тарбияи насли наврас дар руҳияи ватандӯстию ватанпарварӣ, даъвати ҷавонон ба хизмати ҳарбӣ, таъсиси ҷойҳои нави корӣ, тартиби буду бош дар давлатҳои хориҷа ва имкониятҳои кор дар дигар давлатҳо баромадҳо намуданд.

Инчунин, дар охир сокинони маҳаллаи мазкур низ, ба гуруҳи корӣ барои иштирокашон миннатдорӣ намуданд.