Санаи 11 июни соли 2026 дар толори мақомоти иҷроияи ҳокимияти давлатии шаҳри Конибодом бо иштироки Раиси шаҳр Даврон Зоҳидзода ва мудири шуъбаи кадрҳои дастгоҳи Раиси вилояти Суғд Ғолиб Шарифзода маросими муаррифии муовини якум ва муовинони Раиси шаҳри Конибодом баргузор гардид.

Зимни чорабинӣ Ғолиб Шарифзода ҳозиринро бо тағйиротҳои кадрӣ, ки бо розигии Президенти Ҷумҳурии Тоҷикистон муҳтарам Эмомалӣ Раҳмон амалӣ гардидаанд, шинос намуд.

Сипас, Раиси шаҳри Конибодом Даврон Зоҳидзода қарорҳои дахлдорро, ки бо розигии Президенти Ҷумҳурии Тоҷикистон муҳтарам Эмомалӣ Раҳмон ва пешниҳоди Раиси вилояти Суғд муҳтарам Раҷаб Аҳмадзода ба тасвиб расидаанд, қироат намуд.

Тибқи қарорҳои қабулшуда, бо розигии Президенти Ҷумҳурии Тоҷикистон аз 10 июни соли 2026 таҳти №23791/15-2 ва қарори Раиси шаҳри Конибодом аз 10 июни соли 2026 №286, Қудратуллозода Сафарбег Маҳмасафар аз 10 июни соли 2026 ба мансаби муовини якуми Раиси шаҳри Конибодом таъин гардид.

Ҳамчунин, бо розигии Президенти Ҷумҳурии Тоҷикистон аз 10 июни соли 2026 таҳти №23790/15-2 ва қарори Раиси шаҳри Конибодом аз 10 июни соли 2026 №288, Абдусалимзода Абдураҳим Абдусалим ба мансаби муовини Раиси шаҳри Конибодом таъин карда шуд.

Бо розигии Президенти Ҷумҳурии Тоҷикистон аз 10 июни соли 2026 таҳти №23789/15-2 ва қарори Раиси шаҳри Конибодом аз 10 июни соли 2026 №290, Осимӣ Баҳодурхон Искандарзода ба мансаби муовини Раиси шаҳри Конибодом таъин гардид.

Дар анҷоми маросим ба шахсони ба вазифаҳои нав таъиншуда барору комёбӣ дар фаъолияти минбаъда таманно гардида, изҳори боварӣ карда шуд, ки онҳо бо масъулияти баланд баҳри татбиқи сиёсати давлатӣ, рушди иҷтимоию иқтисодии шаҳр ва хизмати содиқона ба мардум фаъолияти самарабахш анҷом медиҳанд.