Идомаи мулоқотҳо

Мулоқоти навбатии усули “деҳа ба деҳа ва маҳалла ба маҳалла” дар маҳаллаи Қазоқон доир гардид.

Дар мулоқот мудири шуъбаи ташкилии КИ ҲХДТ дар шаҳри Конибодом Ализода А., мудири бахши муҳоҷирати Вазорати меҳнат, муҳоҷират ва шуғли аҳолӣ дар шаҳри Конибодом Толибова Ф., котиби комиссияи ҳифзи ҳуқуқи кудак Солиева М. ва мутахассиси пешбари бахши кор бо ҷавонон ва варзиш Рӯзиев Ф. иштирок ва суханронӣ намуданд.

Иштирокдорон доир ба масъалаҳои сазовор истиқбол намудани ҷашни таърихии 35 - солагии Истиқлоли давлатӣ ва ба ин муносибат вусъат додани корҳои ободониву созандагӣ, баланд бардоштани маърифати ҳуқуқии шаҳрвандон, тарбияи ҷавонон дар руҳияи ватандӯстию ватанпарварӣ, пешгирии ҳуқуқвайронкунӣ байни ҷавонон ва ноболиғон, татбиқи сиёсати ҷавонон, ташкил ва баргузории озмунҳо, аз ҷумла идрори президентӣ, тартиби буду бош дар давлатҳои хориҷа ва таъсиси ҷойҳои нави корӣ ибрози ақида намуданд.