ҲАШАРИ УМУМИИ ТОЗАГИЮ ОБОДОНӢ ДАР ШАҲРИ КОНИБОДОМ

Бо мақсади беҳтар намудани ҳолати санитарӣ, баланд бардоштани сатҳи фарҳанги шаҳрдорӣ ва ободу зебо гардонидани муҳити зист, ба таваҷҷӯҳи сокинони шаҳри Конибодом, деҳот ва кормандони тамоми корхонаю муассисаҳо расонида мешавад, ки санаи 30 май дар саросари шаҳр ва деҳот ҳашари умумишаҳрӣ оид ба тозагию ободонӣ баргузор мегардад.

Аз ҳамаи сокинони арҷманд даъват ба амал оварда мешавад, ки дар тозакунии кӯчаҳо, канори роҳҳои нақлиётӣ, майдонҳо, ҷӯйборҳо, атрофи манзилҳо ва ҳудуди корхонаю муассисаҳо фаъолона иштирок намуда, ҳамзамон ба сафедкунии дарахтон ва идомаи корҳои сабзгардонӣ саҳм гузоранд.

Бовар дорем, ки бо иштироки дастаҷамъонаи аҳолӣ шаҳри азизи мо боз ҳам тозатар, зеботар ва сабзу хуррамтар мегардад.

Ҳама ба ҳашари умумии тозагию ободонӣ!

Мақомоти иҷроияи маҳаллии ҳокимияти давлатии шаҳри Конибодом