Дар доираи Нақшаи чорабиниҳои бахши кор бо ҷавонон ва варзиши шаҳри Конибодом дар арафаи моҳвораи ҷавонони Тоҷикистон ва Рӯзи Қӯшунҳои сарҳадӣ бо иштироки масъулини бахш дар комендатураи сарҳадии “Ҷаҳонзеб”, қисми ҳарбии 0214 мулоқот доир гардид.

Иштирокчиён аз шароити буду боши сарбозон ва фаъолияти қисми ҳарбӣ дидан намуда, бо сарбозон мулоқоту суҳбат анҷом доданд.

Зимни чорабинӣ масъулин оид ба нақши ҷавонон дар ҳифзи марзу буми Ватан, таҳкими сулҳу субот ва баланд бардоштани ҳисси ватандӯстиву хештаншиносӣ суханронӣ намуданд.

Дар фарҷоми чорабинӣ ба як қатор афсарону сарбозон туҳфаҳои хотиравӣ тақдим гардида, ба онҳо дар фаъолияти минбаъда барору муваффақият орзу карда шуд.