8 - уми март ба муносибати ҷашни фархундаи 70 - солагии собиқ хизматчии Мақомоти амнияти давлатӣ ва Қӯшунҳои сарҳадӣ — прапоршик Ҳоҷибоева Ҳанифа Усмоновна аз номи Раиси шаҳри Конибодом Даврон Зоҳидзода аёдат ба амал оварда шуд.

Зимни аёдат табрикоти Раиси шаҳрро муовини Раиси шаҳри Конибодом Гулчеҳра Раҳмонзода ва сармутахассиси шуъбаи кор бо занон ва оилаи мақомоти иҷроияи ҳокимияти давлатии шаҳри Конибодом Наргиза Исмоилова ба номбурда расониданд.

Таъкид гардид, ки Ҳоҷибоева Ҳанифа Усмоновна солҳои тӯлонӣ дар сафи Мақомоти амнияти давлатӣ ва Қӯшунҳои сарҳадӣ бо масъулияти баланд, садоқати беандоза ба Ватан ва меҳнати софдилона фаъолият намуда, дар ҳифзи амнияту оромии ҷомеа саҳми арзанда гузоштаанд.

Дар ҷараёни мулоқот паёми табрикии Раиси шаҳр ба муносибати 70-солагии эшон расонида шуда, ба ин зани матин ва фидокор тандурустии бардавом, умри дароз, рӯзгори осуда ва саодати хонаводагӣ таманно карда шуд.

Ҳамчунин, ба номбурда туҳфаҳои хотиравӣ тақдим гардида, барои хизматҳои шоиста ва саҳми арзанда дар таҳкими амнияту суботи ҷомеа изҳори сипосу қадрдонӣ баён гардид.