Идомаи мулоқотҳо

Санаи 6 уми марти соли равон мулоқоти усули “деҳа ба деҳа ва маҳалла ба маҳалла” дар деҳаи Ғалчамуллои ҷамоати деҳоти Пӯлотон баргузор гардид.

Дар мулоқот гуруҳи корӣ дар ҳайъати муовини якуми Раиси шаҳр Шокирӣ Ш., мудири шуъбаи рушди иҷтимоӣ ва робита бо ҷомеа Ҷабборӣ Б., мудири шуъбаи ташкилии КИ ҲХДТ дар шаҳри Конибодом Ализода А. ва мудири бахши Хадамоти муҳоҷирати Вазорати меҳнат, муҳоҷират ва шуғли аҳолӣ дар шаҳри Конибодом Толибова Ф. иштирок ва баромад намуданд.

Дар мулоқот иштирокдорон доир ба мавзуъҳои муҳиму доғи рӯз, аз ҷумла, шомилшавии ҷавонон ба ҳизбу ҳаракатҳои террористӣ, пешгирии падидаҳои номатлуби терроризму экстремизм, тарбияи ҷавонон дар руҳияи ватандӯстию ватанпарварӣ, ба камол расонидани насли донишманду бофарҳанг, баланд бардоштани ҳисси худшиносиву худогоҳии миллӣ, даъвати ҷавонон ба хизмати ҳарбӣ, таъсиси ҷойҳои нави корӣ, тартиби буду бош дар давлатҳои хориҷа ва имкониятҳои васеъи кор дар дигар давлатҳо суханрониҳо намуданд.

Дар навбати худ сокинони деҳаи мазкур ба гуруҳи корӣ саволҳо дода, ба онҳо ҷавобҳои мушаххас гирифтанд.