Бо фарорасии ҷашни байналмилалии Наврӯз, ки рамзи эҳёи табиат, покизагӣ ва дӯстиву ҳамдигарфаҳмӣ мебошад, шурӯъ аз санаи 26.02.2026 таҷлили ин иди миллӣ дар муассисаҳои таълимии шаҳр дар асоси нақшаи тасдиқкардаи Раиси шаҳр Зоҳидзода Даврони Абдуқодир оғоз гардид.

Дар Муассисаи таҳсилоти миёнаи умумии рақами 24 чорабинии наврӯзӣ бо шукуҳу шаҳомати хос баргузор шуда, хонандагону омӯзгорон бо барномаи рангини фарҳангӣ, суруду рақсу саҳначаҳои ҷолиб фазои идонаро боз ҳам гармтар намуданд.

Дар чорабинӣ намояндаи МИҲД Маҳмудов Б. иштирок намуда, паёму табрикоти самимии Раиси шаҳрро ба самъи ҳозирин расонид ва ҳамагонро ба муносибати фарорасии Наврӯзи хуҷаста муборакбод гуфт.

Қадами Наврӯз хуҷаста бод!

Бигзор ин иди бостонӣ ба ҳар хонадон файзу баракат, сулҳу оромӣ ва саодати рӯзгор оварад!