Санаи 20 уми феврали соли равон мулоқоти муштараки сохторҳои дахлдори шаҳри Конибодом аз руйи усули “деҳа ба деҳа” ва “маҳалла ба маҳалла” дар шаҳраки Айнии ҷамоати деҳоти Фирӯзоба доир гардид.

Дар мулоқот мудири шуъбаи рушди иҷтимоӣ ва робита бо ҷомеа Ҷабборӣ Б., муовини Раиси КИ ҲХДТ дар шаҳри Конибодом Ҳоҷиев Ф., намояндаи коммисиарати ҳарбӣ ва Раиси ҷамоати деҳоти Фирӯзоба Холматов А. иштирок ва баромад намуданд.

Баромадкунандагон доир ба масъалаҳои муҳиму мубрами рӯз, аз ҷумла, пешгирии шомилшавии ҷавонон ба ҳизбу ҳаракатҳои тундрав, тарбияи насли наврас дар руҳияи ватандӯстию ватанпарварӣ, баланд бардоштани ҳисси худшиносиву худогоҳии миллӣ, ба камол расонидани насли бофарҳангу донишманд, даъвати ҷавонон ба хизмати ҳарбӣ, пешгирии ҷудошавии оилаҳои ҷавон баромадҳо намуданд.

Инчунин, сокинони деҳаи мазкур низ миннатдории хешро ба давлату ҳукумати кишвар барои дастгириҳои ҳамаҷониба расониданд.