Дар ҷараёни идомаи корҳои ташвиқотию тарғиботӣ дар байни наврасон, дар муассисаи таҳсилоти миёнаи умумии № 30–и ҷамоати деҳоти Лоҳутӣ бо мақсади баланд бардоштани маърифати ҳуқуқӣ, ҳисси ватандӯстӣ ва худшиносии миллӣ мулоқоти навбатии прокурори шаҳри Конибодом, мушовири давлатии адлияи дараҷаи 3 Орифзода Парвиз бо хонандагон баргузор шуд.

Прокурори шаҳри Конибодом Орифзода Парвиз масъалаҳои вобаста ба пешрафти давлату миллат, татбиқи дастуру ҳидоятҳои Пешвои муаззами миллат, муҳтарам Эмомалӣ Раҳмон, ки дар Паёми худ ба Маҷлиси Олии Ҷумҳурии Тоҷикистон иброз доштанд, инчунин ӯҳдадориҳо марбут ба хизмати ҳарбӣ, ҳушёрии сиёсӣ ва устуворӣ дар роҳи рушди мамлакат, мубориза бо ҷинояткорӣ дар байни ноболиғону ҷавонон, пешгирии шомилшавии онҳо ба ҳизбу ҳаракатҳои мамнўъ, тарғиби ахлоқи шоиста ва эҳтиром ба анъанаҳои миллӣ таҷлил намуда, суханронӣ кард.

Мулоқот дар фазои созандаву самимӣ баргузор гардида, самарабахш ва барои амалисозии ҳадафҳои тарбиявию маърифатӣ мусоид арзёбӣ гардид.