Даври навбатии мулоқоти намояндагони мақомоти маҳаллӣ бо падару модарон ва ҷомеаи омузгорону хонандагон тибқи усули "мактаб ба мактаб " дар деҳаи Маданият дар муассисаи таҳсилоти миёнаи умумии рақами 15 баргузор гардид.

Тибқи дастури Ҳукумати кишвар мулоқот бо фарогирии масъалаҳои вобаста ба кори таълиму тарбия, пешгирии шомилшавии ҷавонон ба ҳизбу ҳаракатҳои экстремистӣ, назорати фаъолияту зиндагии ҷавонон дар муҳоҷират, огоҳии комил доштан аз вазъияти сиёсии ҷаҳони муосир, назорат ба истифодаи телефонҳои мобилӣ аз тарафи ноболигон мавриди баррасӣ қарор гирифтанд. Дар самти таргиби саломатӣ доир ба пешгирии бемориҳои сироятӣ, аз қабили сил, вируси масъунияти бадан ва заҳролудшавӣ аз консервҳои хонагӣ- ботулизм, тарзи ҳаёти солим, эмин нигоҳ доштани наврасон аз истеъмоли нушокии газнок, маводи нашъаовар, дар арафаи Наврӯз ба роҳ мондани корҳои тозагиву ободонӣ андешаҳо иброз ва тавсияҳои мушаххас дода шуданд.

Аз ҷониби падару модарон дар масъалаи насби панелҳои офтобӣ, иштироки фаъолона дар озмунҳо саволҳо дода, ҷавобҳои қаноатмандкунанда гирифта шуданд. Танҳо дар ҳамкории аҳли ҷомеа бо муассисаи таълимӣ натиҷаҳои баланд гирифтан мумкин аст.