Чорабиниҳои таблиғотию фаҳмондадиҳӣ бахшида ба “Рӯзи байналмилалии пешгирии экстремизми хушунатомез, ки замина барои терроризм мешавад” дар ҷамоати деҳоти Патар баргузор гардид.

Дар чорабинӣ мудири шуъбаи рушди иҷтимоӣ ва робита бо ҷомеа Ҷабборӣ Б., муовини Раиси ҷамоати деҳоти Патар Эргашева С. ва имомхатиби масҷиди Деҳқонобод Холматов З. иштирок намуда, суханронӣ карданд.

Зимни мулоқот баромадкунандагон мазмун ва моҳияти мафҳумҳои “терроризм”, “экстремизм” ва “ифротгароӣ”-ро шарҳ дода, доир ба роҳҳои пешгирии шомилшавии ҷавонон ба чунин гурӯҳҳои номатлуб, баланд бардоштани маърифати ҳуқуқии шаҳрвандон ва тарбияи насли наврас дар рӯҳияи ватандӯстиву ватанпарварӣ ибрози андеша намуданд.

Дар анҷоми чорабинӣ аз ҷониби аҳли фарҳанги шаҳр барномаи фарҳангӣ пешкаши ҳозирин гардонида шуд.

Чунин мулоқоту вохӯриҳо дар дигар ҷамоатҳои деҳоти шаҳр низ идома доранд.