Мулоқоти навбатии намояндагони мақомоти маҳаллӣ бо падару модарон ва ҷомеаи омузгорону хонандагон тибқи усули "Мактаб ба мактаб" санаи 23.01.2026 дар муассисаи таҳсилоти миёнаи умумии рақами 42 баргузор гардид.

Мулоқот дар фазои озоди ҳамраъйӣ ва масъулиятшиносӣ баҳри иҷрои мақсади ягона - тарбияи насли солим ва ватандӯсту содиқ ба ғояҳои миллӣ доир шуд.

Баромадкунандагон тибқи нақша андешаҳои худро дар атрофи мавзуъҳои муҳими кори таълиму тарбия- баланд бардоштани сифати таълим, ҳамкории муассиса бо падару модарон, пешгирии бемориҳо ва шомилшавии ҷавонон ба ҳизбу ҳаракатҳои мамнуъ иброз доштанд.

Натиҷаҳои назарраси муассисаи таълимӣ дар самти иштирок дар олимпиадаҳои фаннӣ ва озмунҳои ҷумҳуриявӣ эътимоди падару модаронро ба сифату самаранокии таълим мустаҳкам хоҳад намуд. Дар заминаи ҳамкории муассисаи таълимӣ бо ҷомеа натиҷанокии фаъолият меистад, танҳо бо боварӣ ба фаъолияти ҳамдигар масъулони соҳаи таълиму тарбия ба амалӣ намудани мақсадҳои бунёдкоронаю созандагӣ ноил мегардад.\