Мулоқоти навбатӣ дар маҳаллаи ба номи М. Турсунзодаи ҷамоати деҳоти Куҳандиёр баргузор гардид. Дар он мудири шуъбаи рушди иҷтимоӣ ва робита бо ҷомеа Ҷабборӣ Б., Раиси КИ ҲХДТ дар шаҳри Конибодом Шерматова Ф. ва муовини Раиси ҷамоати деҳоти Куҳандиёр Шарофиддинова Ф. иштирок ва баромад намуданд.

Зимни мулоқот муҳтавои асосии Паёми Пешвои миллат ба Маҷлиси Олии Ҷумҳурии Тоҷикистон ба самъи сокинон расонида шуд. Ҳамзамон, масъалаҳои сазовор истиқбол намудани 35-солагии Истиқлоли давлатӣ, вусъат додани корҳои ободониву созандагӣ, баланд бардоштани ҳисси худогоҳиву худшиносии миллӣ, дастрасии туҳфаи Пешвои миллат — китоби «Шоҳнома» ба сокинон, оқилона истифода бурдани неруи барқ, татбиқи сиёсати электронӣ, тарбияи ватандӯстонаи насли наврас ва ҷалби ҷавонон ба хизмати ҳарбӣ мавриди баррасӣ қарор гирифтанд.

Дар фарҷом сокинони маҳалла саволҳои худро пешниҳод намуда, аз ҷониби масъулон ҷавобҳои мушаххас гирифтанд.