Мулоқотҳо идома доранд. Мулоқоти навбатии муштараки сохторҳои дахлдори шаҳри Конибодом аз рӯи усули "Деҳа ба деҳа" ва "Маҳалла ба маҳалла" дар маҳаллаи ба номи А.Рӯдакии деҳаи Ҷаҳонзеби ҷамоати деҳоти ба номи А.Лоҳутӣ баргузор гардид. Дар мулоқот гуруҳи корӣ дар ҳайати муовини якуми Раиси шаҳр Шокирӣ Ш., мудири шуъбаи рушди иҷтимоӣ ва робита бо ҷомеа Ҷабборӣ Б., муовини Раиси КИ ҲХДТ дар шаҳри Конибодом Ҳоҷиев Ф. ва мутахассиси пешбари бахши кор бо ҷавонон ва варзиш Рӯзиев Ф. иштирок ва баромад намуданд. Аз ҷониби гуруҳи корӣ ба сокинони маҳалла сараввал нуқтаҳои асосии Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон расонида шуда, сипас доир ба мавзуъҳои истиқболи сазовори ҷашни 35 - солагии Истиқлоли давлатӣ ва ба ин муносибат вусъат додани корҳои ободониву созандагӣ, тозаву озода намудани деҳаву маҳалли зисти худ, тарбияи ҷавонон дар руҳияи ватандӯстӣ, ҷалби ҷавонон ба хизмати ҳарбӣ, пешгирии омилҳои номатлуби экстремизму терроризм, сарфакорона истифода бурдани қувваи барқ ва татбиқи сиёсати иҷтисоди рақамӣ диққати махсус дода шуда,, аз сокинон давъат ба амал оварда шуд, ки баҳри амалӣ намудани ин ҳадафу мақсад ва нақшаҳои пешбинишуда саҳмгузорӣ намоянд. Дар охир аз ҷониби сокинони маҳалла оид ба баъзе масоили муҳим ва мубрами рӯз изҳори андеша сурат гирифтанд.