Имрӯз санаи 6 - уми январи соли ҷорӣ тибқи нақшаи муштараки мақомоти иҷроияи ҳокимияти давлатии шаҳр мулоқот бо сокинони маҳаллаи Бобокалонови деҳаи Лоҳутии ҷамоати деҳоти А. Лоҳутӣ бо усули "маҳалла ба маҳалла" доир гардид.

Дар мулоқот намояндагони мақомоти иҷроияи ҳокимияти давлатии шаҳр муовини якуми Раиси шаҳр Шокирӣ Шуҳрат мудири шуъбаи рушди иҷтимоӣ ва робита бо ҷомеа Ҷабборӣ Б, муовини раиси КИШ ҲХДТ Ҳоҷиев Фирӯз Рӯзиев Фаррух мутахассиси пешбари бахши кор бо ҷавонон ва варзиши Миҳд ширкат намуданд. Дар мулоқоти имрӯза масъалаҳои муҳиме, ки дар Паёми Асосгузори сулҳу ваҳдати миллӣ - Пешвои миллат Президенти Ҷумҳурии Тоҷикистон муҳтарам Эмомалӣ Раҳмон, ки санаи 16 - декабр ироа намуда буданд, аз ҷумлаи ташаббусҳои байналмилалии Тоҷикистон оид ба вазъи таъмини қувваи барқ, дар бораи соҳаҳои маориф, фарҳанг таълиму тарбияи фарзандон, вазъи ҷаҳони имрӯза пешгирии ҳаргуна хавфу хатарҳо ва тарбияи ватандӯстонаи шаҳрвандон махсусан ҷавони ҷомеа ва дигар самтҳои муҳими ҳаёт сухан рафта, аз сокинон даъват ба амал оварда шуд, ки баҳри ободию шукуфоии кишвари маҳбубамон саъю талош намоянд. Инчунин дар ҷараёни мулоқоти мазкур аъзоёни гурӯҳи корӣ ба саволҳои сокинон ҷавобҳои мушаххас пешниҳод намуда, барои ҳалли масъалаҳо роҳҳои амалӣ пеш гузоштанд.