Тибқи нақшаи мақомоти иҷроияи ҳокимияти давлатии шаҳр бо усули "деҳа ба деҳа " ва "маҳалла ба маҳалла" барои соли 2026 мулоқот бо сокинони маҳаллаи Фирдавсии деҳаи Лоҳутии ҷамоати деҳоти ба номи А. Лоҳутӣ бо усули "маҳалла ба маҳалла" доир гардид.

Дар мулоқот намояндагони мақомоти иҷроияи ҳокимияти давлатии шаҳр муовини якуми Раиси шаҳр Шокирӣ Шуҳрат, мудири шуъбаи рушди иҷтимоӣ ва робита бо ҷомеа Ҷабборӣ Бурҳониддин, муовини раиси КИШ ҲХДТ Ҳоҷиев Фирӯз, мутахассиси пешбари бахши кор бо ҷавонон ва варзиши Миҳд Рӯзиев Фаррух ва дигар масъулон ширкат намуданд. Дар мулоқот масъалаҳои муҳиме, ки дар Паёми Асосгузори сулҳу ваҳдати миллӣ- Пешвои миллат Президенти Ҷумҳурии Тоҷикистон муҳтарам Эмомалӣ Раҳмон, ки санаи 16 - декабр баён намуда буданд, аз ҷумлаи ташаббусҳои байналмилалии Тоҷикистон, оид ба вазъи таъмини қувваи барқ, дар бораи соҳаҳои маориф, фарҳанг вазъи ҷаҳони имрӯза пешгирии ҳаргуна хавфу хатарҳо ва тарбияи ватандӯстонаи шаҳрвандон сухан рафта, аз сокинон даъват ба амал оварда шуд, ки баҳри ободию шукуфоии кишвари маҳбубамон саъю талош намоянд.

Инчунин, дар ҷараёни мулоқоти мазкур аъзоёни гурӯҳи корӣ ба саволҳои сокинон ҷавобҳои мушаххас пешниҳод намуда, барои ҳалли масъалаҳо роҳҳои амалӣ пеш гузоштанд.