Имрӯз дар деҳаи Ғалабаи ҷамоати деҳоти Патар мулоқоти судманд доир гардид. Дар мулоқот муовини аввали раиси шаҳр Шӯҳрат Шокирӣ, муовини раиси Кумитаи шаҳрии ҲХДТ Фирӯз Ҳоҷиев ва мудири шуъбаи рушди иҷтимоӣ ва робита бо ҷомеаи дастгоҳи раиси шаҳр Ҷабборӣ Бурҳониддин иштирок намуданд. Дар мулоқот масъалаҳои мубраму муҳими рӯз, аз ҷумла расонидан ва дар амал татбиқ намудани дастуру супоришҳои Асосгузори сулҳу ваҳдати миллӣ - Пешвои миллат Президенти Ҷумҳурии Тоҷикистон муҳтарам Эмомалӣ Раҳмон, вазъи ҷаҳони имрӯза, пешгирии зуҳуротҳои номатлуб, тарбияи насли наврас ва ҷавони ҷомеа дар рӯҳияи ватандӯстӣ, эҳтиром ба арзишҳои миллию давлатӣ, даъвати ҷавонон ба хизмати ҳарбӣ, пешгирии шомилшавии ҷавонон ба ҳизбу ҳаракатҳои тундрав ва татбиқи сиёсати иқтисоди рақамӣ ва вусъат бахшидани корҳои ободониву созандагӣ мавриди сӯҳбат қарор дода шуд. Дар навбати худ сокинони деҳа даъвату супоришҳои ироа гардидаро ҳамаҷониба пазироӣ намуда баҳри дар амал татбиқ намудани иқдомҳои наҷиби давлат ва Ҳукумати Ҷумҳурии Тоҷикистон ибрози назар намуданд.