Дар партави сиёсати инсонпарварона ва ғамхории ҳамешагии Пешвои миллат Президенти Ҷумҳурии Тоҷикистон муҳтарам Эмомалӣ Раҳмон бо ташаббуси мақомоти иҷроияи ҳокимияти давлатии шаҳр ва дастгирии соҳибкорони ватандӯсти шаҳрамон Баротов Мақсуд, Мадалиев Рустам ва Гадоев Сайфулло ба Беморхонаи марказии шаҳр автомобили махсуси тамғаи “Hyundai Grand Starex” (ренимобил) тақдим гардид.

Мошини ёрии таъҷилӣ бо тамоми таҷҳизоти замонавӣ аз ҷумла, системаи нафасдиҳии сунъӣ, оксиген, монитор, кат ва лавозимоти ёрии аввал муҷаҳҳаз буда, барои интиқоли беморони вазнин ва занҳои ҳомила пешбинӣ шудааст.

Туҳфаи мазкур намунаи равшани ватандӯстӣ ва ҳисси баланди масъулияти иҷтимоии соҳибкорон ба ҳисоб меравад.