Амалӣ намудани дастуру ҳидоятҳои Пешвои муаззами миллат муҳтарам Эмомалӣ Раҳмон дар хусуси пайванд намудани ҳамкории муассисаи таълимӣ бо ҷомеа ба хотири фардои пешрафта дар шаҳри Конибодом идома дорад. Дар робита ба ин иқдом санаи 11 ноябр дар муассисаи таҳсилоти миёнаи умумии рақами 33 мулоқоти навбатӣ дар доираи вохуриҳо бо усули "мактаб ба мактаб " баргузор гардид. Дар мулоқот мутахассиси шуъбаи кор бо занон ва оилаи мақомоти иҷроияи ҳокимияти давлатии шаҳр Ҳусейнова Дилором, мудири маркази ташаккули тарзи ҳаёти солим Қурбонова Таҳмина, мушовири шӯъбаи маориф Шерматов Тӯхтамурод иштирок ва суханронӣ намуданд.

Аҳли мулоқот доир ба масъалаҳои марбут ба кори таълиму тарбия, пешгирии гаравидани ҷавонон ба ҳизбу ҳаракатҳои мамнӯъ, тарғиби ахлоқи шоиста ва анъанаҳои миллӣ, тарзи ҳаёти солим, дастрасӣ ба донишомӯзиву хониши намунавӣ, омода намудани ҷавонони созандаи фардои Ватан фикру андешаи худро иброз доштанд ва ба саволҳои падару модарон ва ҷомеаи омузгорону хонандагон роҷеъ ба беҳтар намудани раванди таълим, дохилшавӣ тариқи Маркази миллии тестӣ, иштирок дар озмунҳо ҷавобҳои мушаххас гирифтанд.

Муассисаи таҳсилоти миёнаи умумии рақами 33 яке аз калонтарин муассисаҳои таълимӣ ба ҳисоб рафта, ҷомеаи омузгорон дар ҳамкорӣ бо кумитаи падару модарон ва ҷамоати деҳот фаъолияти худро ба роҳ мондааст. Дар муассисаҳои таълимӣ ҷиддӣ ба роҳ мондани тарбияи насли ватандӯсту меҳанпараст аз вазифаҳои асосии ҷомеаи имруза ба ҳисоб меравад.