Бо ҳадафи амалӣ намудани дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо дарназардошти вазъи мураккаби сиёсиву иҷтимоии ҷаҳони имрӯза, торафт афзоиш ёфтани хатару таҳдид ба мафкураи ҷомеаҳо, ки ба зиёдшавии омилҳои номатлуб дар байни аҳолӣ, хусусан ҷавонон ва дар асоси нақшаи кори муштараки сохторҳои дахлдори шаҳри Конибодом дар самти рушди иҷтимоӣ ва робита бо ҷомеа байни омӯзгорон, хонандагон ва волидайни онҳо оид ба баланд бардоштани маърифати хукукӣ, пешгирии ҷиноятсодиркунӣ дар байни наврасону ҷавонон дар МТМУ №11-и шаҳри Конибодом вохӯрӣ бо усули 'мактаб ба мактаб" баргузор гардид.

Дар чорабинӣ мудири шӯъбаи рушди иҷтимоӣ ва робита бо ҷомеаи МИҲД Ҷабборӣ Бурҳониддин, сармутахасиси шуъбаи маорифи шаҳр Толибова Муслима, муовини сардухтури КАТС Абдусатторова М. доир ба муаммоҳои рӯзмарраи ҷомеа изҳори андеша намуданд.

Таъкид шуд, ки оила ва мактаб дар пешгирии зуҳуроти хуруфотпарастӣ нақши калидӣ дорад, зеро он нахустин мактабест, ки хишти аввали тарбия маҳз дар он ҷо гузошта мешавад ва агар ин хишт ибтидо каҷ гузошта шавад, то ба охир девори он каҷ хоҳад шуд. Дар ин самт, пеш аз ҳама, волидон бояд, ки нисбат ба раванди тарбияи фарзандон бетафовут набуда, бо онҳо кор баранд, то ки онҳо сараро аз носара фарқ карда тавонанд.

Пас, зарур аст, ки волидон ҳама гуна рафтори фарзандонро зери назорат гиранд ва маҳз ба ҳамин роҳ метавонанд дар пешгирии хуруфотпарастӣ нақш гузоранд.

Барои ояндаи солиму ба меъёрҳои ҷаҳонӣ мувофиқ насли созандаро омода намоем, ки аз гумроҳшавию бегонапарастӣ дур бошад.