Санаи 23 октябри соли равон дар деҳаи Шӯробқалъаи ҷамоати деҳоти ба Фирӯзобаи шаҳри Конибодом мулоқот бо сокинон тибқи нақшаи мақомоти иҷроияи ҳокимияти давлатии шаҳр бо усули “деҳа ба деҳа” бо иштироки ҳайати гурӯҳи корӣ - Сардори шуъбаи дар шаҳри Конибодом будаи РКДАМ Ҷумҳурии Тоҷикистон дар вилояти Суғд Дустов С.Д., Раиси КИ ҲХДТ дар шаҳри Конибодом Шерматова Ф., мудири шуъбаи рушди иҷтимоӣ ва робита бо ҷомеа Ҷабборӣ Б. ва Раиси Шӯрои собиқадорони ҷангу меҳнати шаҳр Ғаниев Н. баргузор гардид. Зимни мулоқот, нахуст Сардори шуъбаи дар шаҳри Конибодом будаи РКДАМ Ҷумҳурии Тоҷикистон дар вилояти Суғд Дустов С.Д. оид ба масъалаҳои муҳими рӯз ва доғи ҷомеа аз ҷумла, хавфу хатарҳои ҳаракатҳои террористию экстремистӣ ва ифротгароӣ, пешгирии шомилшавии шаҳрвандон махсуса, ҷавонону наврасон ба ҳизбу ҳаракатҳои тундрав, роҳ надодан ба ҳолатҳои таълими ғайриқонунии динӣ, дар руҳияи баланди ватандӯстию ватанпарастӣ ва худогоҳу худшиносӣ тарбия намудани насли наврас ва садоқат ба арзишҳои олии миллию давлатиамон инчунин, мусоидати ҳар як шаҳрванди ба нангу номус дар таъмини сулҳу субот ва амнияти ҷомеа изҳори ақида намуд. Сипас, баромадкунандагони дигар низ ба масъалаҳои татбиқи ҳамаҷонибаи сиёсати давлат ва ҳукумати кишвар бевосита Асосгузори сулҳу ваҳдати миллӣ - Пешвои миллат Президенти Ҷумҳурии Тоҷикистон муҳтарам Эмомалӣ Раҳмон ва таъмини иҷрои дастуру супоришҳояшон баҳри истиқболи сазовори 35 - солагии Истиқлоли давлатии Ҷумҳурии Тоҷикистон, вусъат додани иқдомҳои созандаву бунёдкорона ҷоннок намудани корҳои тарғиботиву ташвиқотӣ дар ҷомеа ва дигар масоили муҳими рӯз суханронӣ намуданд.