Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пахтакориро яке аз сарчашмаҳои асосии ашёи хом барои саноати сабук ва таъмини ҷойи корӣ маънидод намуда, ба ҷараёни кишт, нигоҳубин ва ҷамъоварии ҳосили пахта таваҷҷуҳи хос доранд. Дар ин замина барои иҷрои дастуру супоришҳои Пешвои муаззами миллат муҳтарам Эмомалӣ Раҳмон раиси вилоят Раҷаб Аҳмадзода корбариро ҷоннок намуда, масъулин ва намояндагони Мақомоти иҷрои ҳокимияти давлатии вилояти Суғдро муваззаф намудаанд, ки барои босифат ва беталаф ҷамъ овардани ин ҳосили пахта дар шаҳру навоҳии пахтакори вилоят ҳамкории судманд ба роҳ монанд. Аз ин ҷост, ки муовини раиси вилоят Зайнура Азимӣ ва гуруҳи корӣ пайваста аз ҷараёни чиниши пахта дар саҳро хабар гирифта, дар ҳашари пахтачинӣ ҳиссаи худро мегузоранд.

Ҳамчунин, ин рўзи истироҳатӣ барои кўмаки кишоварзони шаҳрамон 300 нафар намояндагони касбу кори гуногун аз ҳамсояшаҳри Исфара вориди пахтазор шуданд.

Ин дўстӣ, сарҷамъӣ ва ваҳдату ягонагӣ дар кишвари обод таҳти сарварии Пешвои муаззами миллат муҳтарам Эмомалӣ Раҳмон поянда бошад.

Маврид ба зикр аст, ки барои иҷрои дастуру супоришҳои раиси шаҳр Даврон Зоҳидзода сокинони шаҳр ҳамарўза ба ҷамъоварии «тиллои сафед» ба саҳро баромада, бо истифода аз ҳавои офтобӣ дар таъмини нақшаи дурнамо ҳиссаи хеш мегузоранд.