Зӯроварӣ дар оила яке аз муаммоҳои доғи рӯз аст. Мутаассифона, ин падидаи номатлуб дар тамоми ҷаҳон бо шаклҳои мухталиф зуҳур мекунад.

Кумитаи кор бо занон ва оилаи назди Ҳукумати Ҷумҳурии Тоҷикистон дар якҷоягӣ бо Мақомоти иҷроияи ҳокимияти давлатии вилояти Суғд ва ташкилотҳои ғайридавлатӣ дар тарабхонаи «Тоҷи заррин» - и шаҳр бо ҳузури намояндагони касбу кори гуногун мизи мудаввар доир намуд. Иштирокдорон оиди ин мавзуъ мубодилаи афкор намуданд. Муовини раиси шаҳр Гулчеҳра Раҳмонзода зимни муаррифии меҳмонон ҳадафи баргузории ин табдирро баррасӣ намуда, аз фаъолияти Шӯрои байниидоравӣ оид ба пешгирии зӯроварӣ дар оила ёдовар шуд. Намояндаи Ҳукумати Ҷумҳурии Тоҷикистон Сабоҳат Рустам, намояндаи Мақомоти иҷроияи ҳокимияти давлатии вилояти Суғд Хуршеда Хоҷазода, намояндаи Созмони Милали Муттаҳид (ЮНФПА), намояндаи Ташкилоти ҷамъиятии «Насл» Орзу Ғаниева оиди ҳадафи баргузории ин тадбир сухан гуфта, дар идома суолу ҷавоб ва корҳои амалии иштирокдорон дар мавриди ҳамоҳангсозии фаъолияти сохторҳои давлатӣ ва созмонҳои ҷомеаи шаҳрвандӣ, ташкили кӯмак ба ҷабрдида, баланд бардоштани огаҳии аҳолӣ оид ба пешгирии зӯроварӣ дар оила, таҳлили зӯроварӣл дар оила ва зӯроварии гендерӣ ва никоҳи бармаҳал пешкаш гардид.

Тасмим гирифта шуд, ки минбаъд фаъолияти Шӯро натанҳо байниидоравӣ, балки маҳал ба маҳал доир карда шавад.