Чунин мулоқот бо сокинони маҳаллаи Комил Ёрматов доир гардид.

Дар мулоқот гурӯҳи таблиғотӣ аз ҳисоби кормандони сохторҳои дахлдори мақомоти иҷроияи ҳокимияти давлатии шаҳр иштирок ва суханронӣ намуданд.

Зимни мулоқот баромадкунандагон доир ба ворид гардидани тағйирот ба Кодекси ҷиноятӣ ва ҳуқуқвайронкунии маъмурии Ҷумҳурии Тоҷикистон оид ба истифодаи нерӯи барқ, таълиму тарбияи насли наврасу ҷавон, баланд бардоштани ҷаҳонбинии ахлоқиву фарҳангӣ, ободонии маҳал, истифодаи дурусти телефонҳои мобилӣ, худдорӣ аз шабакаҳои мамнӯъи иҷтимоӣ ва даъвати ҷавонон ба хизмати ҳарбӣ ибрози ақида карданд.

Дар охир аз ҷониби сокинон оид ба масъалаҳои матраҳшуда саволу ҷавобҳо сурат гирифта, иштирокдорон ба саволҳои худ ҷавобҳои мушаххас гирифтанд.