Имрӯз дар Ҷамоати деҳоти Патар таҳти раёсати муовини якуми Раиси шаҳр Шӯҳрат Шокирӣ ҷаласаи ситоди пешаздаъватии ҷавонон ба хизмати ҳарбӣ баргузор гардид.

Дар ҷаласа мудири шӯъбаи рушди иҷтимоӣ ва робита бо ҷомеаи дастгоҳи раиси шаҳр Баҳодур Маҳмудов, мудири шуъбаи ташкилии КИ ҲХДТ Акмал Ализода, намояндаи комиссариати ҳарбӣ Достон Саидмуродзода, раисони маҳалла, ходимони дин ва роҳбарони ташкилоту муассисаҳои ҳудуди ҷамоат иштирок намуданд.

Ҷаласаро муовини якуми Раиси шаҳр ифтитоҳ намуда, оид ба омодагиҳо ва дар сатҳи зарурӣ ба роҳ мондани маъракаи даъвати тирамоҳии ҷавонон ба хизмати ҳарбӣ суханронӣ кард.

Сипас, намояндаи комиссариати ҳарбӣ доир ба омодагиҳои ҷорӣ ва тадбирҳои андешидашуда ҷиҳати ҷалби ҷавонон ба сафи Қувваҳои Мусаллаҳи Ҷумҳурии Тоҷикистон маълумот пешниҳод намуд.

Дар охир аз ҷониби муовини якуми Раиси шаҳр Шӯҳрат Шокирӣ вазифагузориҳои мушаххас ба масъулин дода шуд.