Ҳомидҷон Мамадов аз зумраи шахсиятҳои маъруфи соҳаи маориф буда, солҳои тӯлонӣ ҳамчун омӯзгор фаъолият кардааст. Ӯ бо эҳсоси масъулият наслҳои зиёдеро тарбия намудааст ва дар рушду пешрафти соҳа саҳми арзанда гузоштааст. Мамадов Ҳомидҷон номзади илмҳои филологӣ, дотсент, Корманди шоистаи Тоҷикистон мебошад. Солҳои зиёд дар Донишгоҳи давлатии Хуҷанд ба номи академик Бобоҷон Ғафуров фаъолият кардааст.

Зимни мулоқот Раиси шаҳр аз хизматҳои арзишманди ӯ ёдовар шуда, таъкид намуд, ки эҳтирому қадршиносӣ аз собиқадорон яке аз самтҳои муҳимтарини сиёсати иҷтимоии роҳбарияти давлат ва Ҳукумати Ҷумҳурии Тоҷикистон ба ҳисоб меравад.

Ҳамчунин, аз номи мақомоти иҷроияи ҳокимияти давлатии шаҳр ба Ҳомидҷон Мамадов туҳфаҳои хотиравӣ супорида шуда, барои саҳми шоистаи ӯ дар рушди соҳаи маориф изҳори сипосу миннатдорӣ баён гардид.

Н. Умаров

Ф. Муқимов