Тибқи нақшаи тасдиқгардидаи бахши кор бо ҷавонон ва варзиши шаҳри Конибодом, имрӯз дар деҳаи Патари Ҷамоати деҳоти Патар бо мақсади пур кардани фазои иттилоотӣ ва пешгирии шомилшавии ҷавонон ба ҳизбу ҳаракатҳои ифротгаро хониши сиёсӣ баргузор гардид.

Дар чорабинӣ ҷавонони синну соли гуногун иштирок намуда, пас аз анҷоми мулоқоти фаҳмондадиҳӣ, бозии футбол миёни онҳо доир шуд.

Ҳамзамон, дар майдончаи хурди боғи марказии шаҳр машқи пагоҳирӯзӣ бо иштироки кормандони корхонаҳо ва муассисаҳои гуногуни шаҳр баргузор гардид.