Ба ифтихори Рӯзи Ваҳдати миллӣ муовини якум ва муовинони Раиси шаҳри Конибодом аз қисмҳои ҳарбӣ ва дидбонгоҳи сарҳадии воқеъ дар ҳудуди шаҳр боздид ба амал оварданд.

Зимни мулоқот бо сарбозону афсарон ба муносибати Рузи ваҳдати миллӣ онҳоро табрик намуда, нақши ҷавонмардонаи муҳофизони сарҳади давлатиро дар таъмини амният, сулҳу субот ва ҳимояи марзу буми Ватан баланд арзёбӣ карданд.

Ҳамзамон, номаи табрикии Раиси шаҳри Конибодом Даврон Зоҳидзодаро ба самъи ҳозирин расониданд, ки дар он арҷгузорӣ ба хизматҳои сарбозону афсарон ва аҳамияти Ваҳдати миллӣ дар таҳкими давлатдорӣ таъкид гардидааст.

Бо мақсади болидахотирии ҳайати шахсӣ дастурхони идона ороста шуда, ҳунармандони шуъбаи фарҳанги шаҳр барномаи фарҳангии идонаро бо иҷрои суруду таронаҳои ватандӯстона ва дилнишин пешкаш намуданд.