Имрӯз, ба ифтихори Рӯзи Ваҳдати миллӣ, Раиси шаҳри Конибодом Даврон Зоҳидзода аз қисмҳои низомии ҳудуди шаҳр боздид ба амал овард.

Раиси шаҳр зимни мулоқот бо афсарон ва сарбозони қисмҳои ҳарбӣ онҳоро бо фарорасии иди Ваҳдати миллӣ табрик гуфта, саҳми муҳофизони Ватанро дар таҳкими сулҳу суботи кишвар арзишманд ва муҳиму назаррас арзёбӣ намуд.

Боздид аз хобгоҳи сарбозон, ошхона, анборҳои озуқаи қисмҳои низомӣ собит намуд, ки барои хидмати оинномавии афсарону сарбозон шарити мусоид фароҳам оварда шудааст.

Дар сӯҳбат раиси шаҳр аз рафти хидмати сарбозон пурсон шуд ва таъкид гардид, ки онҳо баробари ҳифзи марзу буми кишвар, ба риояи оинномаҳои ҳарбӣ, мутолиаи китоб, баланд бардоштани сатҳи маърифати худ низ кӯшиш ба харҷ диҳанд ва мақомоти иҷроияи маҳаллии ҳокимияти давлатии шаҳр дар ин самт бо қисми ҳарбӣ пайваста ҳамкорӣ менамояд.

Бо мақсади арҷгузорӣ ба хизматҳои ҷавонмардонаи сарбозон, дастархони идона ороста шуда, барои фароғати онҳо барномаи фарҳангӣ бо иштироки ҳунармандони шуъбаи фарҳанги шаҳр ташкил гардид. Суруду таронаҳои ватандӯстона фазои идонаро шукуҳмандтар гардониданд.