Имрӯз таҳти раёсати муовини якуми Раиси шаҳр Шӯҳрат Шокирӣ ҷаласаи ситоди пешаздаъватии ҷавонон ба хизмати ҳарбӣ баргузор гардид.

Дар ҷаласа Комиссари ҳарбии шаҳр Билол Муҳиддинзод, раисони ҷамоатҳои деҳот ва фаъолони шаҳр иштирок намуданд.

Ҷаласаро муовини якуми Раиси шаҳр ифтитоҳ намуда, оид ба омодагиҳо ва дар сатҳи зарурӣ ба роҳ мондани маъракаи даъвати тирамоҳии ҷавонон ба хизмати ҳарбӣ суханронӣ кард.

Сипас, Комиссари ҳарбии шаҳр Билол Муҳиддинзод доир ба омодагиҳои ҷорӣ ва тадбирҳои андешидашуда ҷиҳати ҷалби ҷавонон ба сафи Қувваҳои Мусаллаҳи Ҷумҳурии Тоҷикистон маълумот пешниҳод намуд.

Зимни ҷаласа таъкид гардид, ки барои дар муҳлат ва босифат иҷро намудани нақшаи даъват, корҳои тарғиботиву ташвиқотӣ тавассути баргузории мулоқоту вохӯриҳо дар маҳалҳо тақвият дода шаванд.

Дар охир аз ҷониби муовини якуми Раиси шаҳр Шӯҳрат Шокирӣ вазифагузориҳои мушаххас ба масъулин дода шуд.