Санаи 25-уми июни соли ҷорӣ дар маҷлисгоҳи коллеҷи технологии ба номи А.Қаҳҳоров тибқи нақшаи тасдиқнамудаи Раиси вилоят, Раиси Шӯрои вилоятии Ҳаракати ҷамъиятии ваҳдати миллӣ ва эҳёи Тоҷикистон муҳтарам Раҷаб Аҳмадзода бахшида ба 28 - умин солгарди Рӯзи Ваҳдати миллӣ конфронси илмию адабӣ таҳти унвони "Пешвои миллат - кафили сулҳу ваҳдати миллӣ " баргузор гардид. Дар конфронс муовини Раиси шаҳр Раҳмонзода Гулчеҳра ва намояндагони Шӯрои вилоятии Ҳаракати ҷамъиятии ваҳдати миллӣ ва эҳёи Тоҷикистон Аъзамова Мунира ва Юлдошев Абдуҷаббор иштирок ва суханронӣ намуданд.

Дар кори конфронс маърӯзачиён Ирматова Замира - директори коллеҷи технологии шаҳр, Рафоат Иномӣ - собиқадори меҳнат, Ғафурзода Дилором - узви Маҷлиси миллии Маҷлиси олии Ҷумҳурии Тоҷикистон, сарвари МТМУ №7, Зайниддинова Роҳбар - аъзои фаъоли Шӯрои занони шаҳр ва Ҳамроалиева Фарангиз – ҷавони фаъол, сармутахассиси шӯъбаи иқтисодиёти МИҲД шаҳр оид ба саҳми беназири Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон дар барқарорсозии сулҳ ва таҳкими Ваҳдати миллӣ дар кишвар, ташаккули худшиносиву худогоҳӣ, зиракии сиёсӣ, арҷгузорӣ ба муқаддасоти миллӣ, ҳифзи арзишҳои фарҳанги миллӣ, тарғиби тарзи ҳаёти солим ва ҷалби сокинон ба корҳои созандагиву бунёдкорӣ ибрози ақида намуданд.